ამერიკელმა მეცნიერებმა შექმნეს დანადგარი, რომელიც სოლარიუმის მსგავსია და ულტრაიისფერი სხივების ნაცვლად წითელ შუქს ასხივებს. ეს უკანასკნელი ცნობილია ქსვილებზე თავისი სამკურნალო ზემოქმედებით. განსაკუთრებით მნიშვნელოვანია წითელი შუქის მიერ კანის იმ უჯრედების სტიმულირება, რომლებიც გამოიმუშავებენ კოლაგენსა და ელასტინს. პროცედურის შედეგად, ასევე აქტიურდებიან ფერმენტები, რომლებიც ხელს უწყობენ კანის კვებას და ჟანგბადით მომარაგებას.
კოლაგენის პროდუქციაზე ძლიერ მასტიმულირებელი გავლენის გამო, წითელი შუქით სამკურნალო (Red Light Therapy®) დანადგარებს კოლაგენარიუმი (კოლარიუმი) უწოდეს.
მეთოდის ეფექტურობამ, მოკლე ხანში, ყოველგვარ მოლოდინს გადააჭარბა და გასაოცარი შედეგები აჩვენა. წითელი შუქით თერაპიის (Red Light Therapy®) რამდენიმე სეანსის შემდეგ, კანი გაცილებით ელასტიური და ჯანსაღი ხდება. რეგულარული სეანსების შედეგად კი მისი დაბერების პროცესი მნიშვნელოვნად ნელდება და ახალგაზრდავდება.
სადღეისოდ, წითელი შუქით მკურნალობა (Red Light Therapy®)ითვლება უახლეს სიტყვად ესთეტიკურ მედიცინაში. ხანგრძლივი გამოკვლევებით დადასტურდა, რომ მას არ გააჩნია უკუჩვენება და გვერდითი მოვლენები. მეთოდის უსაფრთხოება და ეფექტურობა დადასტურებულია აშშ წამლისა და საკვები პროდუქტების ზედამხედველობის სამსახურის (FDA) მიერ და მას მსოფლიოს მრავალ მოწინავე კლინიკაში იყენებენ.
განსაკუთრებით მნიშვნელოვანია წითელი შუქით მკურნალობის (Red Light Therapy®) სეანსები გარუჯვის მოყვარულთათვის (მიუხედავად იმისა, მზეზე ირუჯებიან თუ სოლარიუმში).
კოლაგენარიუმის და (Red Light Therapy®) უპირატესობათა ჩამონათვალი ასეთია:
- გააჩნია კანის გაახალგაზრდავების გამოხატული ეფექტი;
- ამცირებს კანის დანაოჭებას;
- აუმჯობესებს კანის ელასტიურობასა და სიმკვრივეს;
- სარძნობლად ამცირებს ნაწიბუროვან ქსოვილს, სტრიებს, პიგმენტურ ლაქებს და პიგმენტაციას კანზე;
- აორმაგებს (200% ზრდის) დაზიანებული კანის აღდგენის ინტენსივობას;
- რეკომენდირებულია ჭარბი გარუჯვის შემთხვევაში;
- ასტიმულირებს კოლაგენისა და ელასტინის ბოჭკოების განახლებას;
- ეფექტურია აკნეს, სახეზე გამონაყარის სამკურნალოდ;
- აუმჯობესებს კანის ოქსიგენაციას (ჟანგბადით მომარაგებას), მეტაბოლიზმს, სისხლის მიმოქცევას;
- ეფექტურია ფსორიაზისა და ეკზემის სამკურნალოდ;
- არა აქვს გვერდითი მოვლენები;
- აბსოლუტურად უმტკივნეულოა.
ცვლილებები ქსოვილებში ვლინდება ზემოქმედებიდან რამდენიმე კვირის განმავლობაში. დადებითი შედეგის მისაღწევად, წითელი შუქით თერაპიის (Red Light Therapy®) სეანსები უნდა ჩატარდეს რეგულარულად, 1–2 თვის განმავლობაში, კვირაში 2–ჯერ. საუკეთესო ეფექტის შესანარჩუნებლად, სასურველია რამდენიმე თვის განმავლობაში (განსაკუთრებით გარუჯვის სეანსების შემდეგ) კვირაში 1 პროცედურის ჩატარება.
მკურნალობის 1 სეანსის ხანგრძლივობა საშუალოდ 20 წუთია.
მიუხედავად იმისა, რომ წითელი შუქი უსაფრთხოა თვალებისთვის, სეანსის დროს სასურველია მუქი სათვალის გამოყენება.
რამდენადაც წითელი შუქით თერაპიას (Red Light Therapy®) ულტრაიისფერი გამოსხივება არ ახლავს, სეანსის დროს კანის გარუჯვა არ ხდება !
